Ruoŧa bealde vurdet dál Ruoŧa girku ávžžuhit ráđđehusa ja riikkabeivviid ratifiseret ILO 169.
Ruoŧa bealde vurdet dál Ruoŧa girku ávžžuhit ráđđehusa ja riikkabeivviid ratifiseret ILO 169.
Diibmá hilggui Ruoŧa girku alimus orgána, girkočoahkkin, árvalusa mii ávžžuhii ruoŧa riikkabeaivvi ja ráđđehusa ratifiseret ILO 169 álgoálbmotsoahpamuša. Sápmelaččat garrasit moite girku dán ovddas.
Ođđa árvalus
Boahtte vahkkus dollo girkočoahkkin fas, gos fas meannudit sullasaš árvalusa. Muhto dál vurdo girku leat rievdadan oainnu, čállá oddasat.se.
Dat lávdegoddi mii álggos meannuda ášši, lea oainnat ávžžuhan girkočoahkkima doarjut árvalusa.
– Dálá árvalus lea hábmejuvvon eará lahkai go diibmá, dadjá Ruoŧa girku generálačálli Helén Ottoson Lovén.
Ášši galgá dasto fas ođđasit meannuduvvot skábmamánu girkočoahkkimis, ja nu vurdo ahte girku ávžžuha riikkabeivviid ja ráđđehusa ratifiseret ILO 169 dalle.
Árvalusa leaba sosiálademokráhtat Olle Burell ja Johan Åkesson ráhkadan.
– Skábmamánus mearriduvvo ášši, dat mearkkaša ahte lávdegotti ávžžuhus ahte doarjut árvalusa dalle meannuduvvo girkočoahkkimis ja dan rájes de lea mis loahpalaš mearrádus, dadjá Ottosson Lovén.
