Vuosttaš buollašiin gevvet eanas buolašvahágat, ja dávjá barttain dahje astoáigeviesuin, danne maid eai fuomášuvvo vahágat ovttatmanos.
Vuosttaš buollašiin gevvet eanas buolašvahágat, ja dávjá barttain dahje astoáigeviesuin, danne maid eai fuomášuvvo vahágat ovttatmanos.
Dál buolašáiggi ferte váruhit vuoi ii gártta bárttiid sisa. Buolašin sáhttet čáhcebohccit jiekŋut ja billistit bohcciid. Jus lea beare galmmas leamaš viesus, sáhttá dáhkádusfitnodat mearridit ahte eai mávsse dáhkádusa, danne go lea viessoeaiggáda ovddasvástádus doallat viesu doarvái liekkasin, vuoi eai jieŋo čáhcebohccit. Dán dieđiha KLP dáhkádusfitnodat preassadieđáhusas.
Maid berret dahkat eastadan dihte buolašbárttiid:
- Jáddadit čázi viesus ja gurret čáhcebohcciid jus áiggut jávkat eambbo go golbma beaivvi. Seammás geahpiduvvo deaddu elfápmofierpmádagas jus
- Diktit veahá lieggasa alde dain lanjain gos čáhcebohccit leat. Temperatuvra berre leat unnimusat 10 ºC dain lanjain.
- Giddet buot lásiid ja ventiillaid. Lea maid buorre rahpat skábeuvssaid doppe gos čáhcebohccit leat, vuoi áibmu beassá dohko.
- Njoarrat frostveasku hivssetráigái ja golggiidusbohcciide. Jáddadit ja gurret čáhcepumpa ja čáhcelieggadaga.
Maid berret dahkat jus leat juo bártidan:
- Jáddadit čáhceluoitádaga.
- Govvet mii lea geavvan.
- Sihkkarastet diŋggaid. Jus lea ráinnas čáhci de sáhttá guoddit diŋggaid eará latnjii ja diktit goikat.
- Geahččalit gurret čázi lanjain.
- Dieđihit dáhkádusfitnodahkii mii lea geavvan, vuoi oaččut veahki divodeapmái.
- Jus lea stuoribuš bárti, de ferte tákstaolmmái boahtit geahččat vuoi diehtá mii lea geavvan ja mii galgá dahkkot.
