Čakčamánu vuosttaš beaivvi rájes Murmánskka visumguovddáš álgá vuostái váldit turistavisumohcamušaid Supmii dušše oktii vahkus.
Dan čállá B-port Murmánskka neahttaaviisa. Iežá áššis dat čujuhit VFS Global visumguovddáža dieđuide. Dát visumguovddáš vuostái váldá Suoma ambassáda ovddas ohcamušaid Ruoššas ja dasto sádde meannudeapmái Suoma ambásadii Ruoššas.
Ođđa njuolggadusaid mielde olbmos lea vejolaš ohcat turistavisuma beassat Suomas fitnat juohke vuossárgga. Dasa lassin ohcciidlohku ii galgga go 500 juohke vuossárgga.
Seamma njuolggadus doaibmagoahtá eará visumguovddážiin Ruoššas nu go Moskvas, Sankt-Peterburggas ja Petrozavodskas.
