-Almmuhus-
OĐĐASATRuošša olgoriikkaministtar galleda Tromssa

Ruošša olgoriikkaministtar galleda Tromssa

-

-

Barentsráđi čoahkkin lágiduvvo Tromssas golggotmánu 26. beaivvi. Dan oktavuođas boahtá Ruošša olgoriikkaministtar Sergej Lavrov.

Olgoriikkaministarat visot čieža Barentsráđi miellahttoriikkain bohtet Tromsii. Dan čállá aviisa Nordlys.

Barentsráđi čoahkkingottis leat  Dánmárku, Islánda, Norga, Ruošša, Ruoŧŧa, Suopma ja EU-kommišuvdna. Juohke nuppi jagi molsu Barentsráđđi ovdagotti ovddasvástádusa. Dál lea Norggas dát stáhtus ja golggotmánu čoahkkimis geige Norga ovdagodde-stáhtusa Supmii. Jáhkkimis lea Jonas Gahr Støre ráđđehusa ođđa olgoriikkaministtar gii geige ovdagotti viidáset.

– Lea hui buorre go Lavrov searvá dán čoahkkimii. Dat čájeha makkár mearkkašupmi Barentsguovllu ovttasbarggus lea ja dat šaddá maid fiinna loahpaheapmi Norgga ovdagoddeáigodagas, lohká otná olgoriikkaministtar Ine Eriksen Søreide (Olgeš).

Lavrov lea máŋgii leamaš Norggas, maŋimuš golggotmánus 2019:s go čalmmustuvvui ahte lea 75 jagi áigi go sovjehtalaš soalddáhat luvvejedje Nuorta-Finnmárkku 1944:s.

Lea plánejuvvon alla sihkarvuohta Lavrov galledeami oktavuođas.

(©NTB)

-Almmuhus-