Ruošša lea dieđihan ahte eai dáhto šat fievrridit luonddogása Supmii.
Nu čállá ođasdoaimmahat NTB. Suoma stáhtaoamastuvvon energiijafitnodat Gasum duođašta dan ahte Ruošša ii dáhto šat vuovdit ja fievrridit gása Supmii Dál dáhttu Suopma baicce Estlánddas oastit gássa.
Gasum fitnodat dieđiha ahte Ruoššas ožžon dieđu ahte gássafievrrideapmi bissehuvvo, danne go Suopma biehttala máksit gássa rubelin.
Gássa giddejuvvo birrasiid vahkku maŋŋel go Suopma almmolaččat mearridii ohcat Nato miellahttuvuođa. Ruošša lea garrasit moaitán Suoma mearrádusa Nato miellahttun ohcat.
Guovvamánu loahpas fallehii Ruošša Ukraina. Dan rájes leat olu riikkat ráŋggáštan Ruošša earet eará ekonomalaččat.
