-Almmuhus-
-Almmuhus-
OĐĐASAT Ruošša hárjehallá rakeahtaiguin Finnmárkkurittu lahka

Ruošša hárjehallá rakeahtaiguin Finnmárkkurittu lahka

-

-

Ruošša lea dieđihan Norgga eiseválddiide ahte sii plánejit missiilaid geahččaladdat Norgga rittu lahka seammás go lea Nato hárjehallan Trident Juncture.

Nubbi missiilageahččaleapmi galgá leat skábmamánu 6., 7.,  8. ja 9. beaivvi gaskal diibmu viđa iđđedis ja čieža rádjái eahkedii, lea diehtu maid Avinor lea ožžon Ruošša áibmojohtolateiseválddiin, čállá VG.

– Mii eat vuordde ahte sáhttet leat váikkuhusat mat dovdojit Norgga siviila áibmojohtolahkii, dieđiha Avinor kommunikašuvdnahoavda Erik Lødding e-boastta bokte VG:i.

 

Álget duorastaga

Hárjehallan galgá leat Finnmárkku lahkosis.

Ruošša lea maid ovdal almmuhan ahte sii báhčalit missiilla Gaska-Norgga rittu lahka skábmamánu 1. beaivvis gitta 3.beaivái.

Trident Juncture lea Nato hárjehallan mii bistá skábmamánu 7. beaivvi rádjái. Buot NATO-riikkat leat mielde hárjehallamis, ja maiddái Suopma ja Ruoŧŧa.

Ruošša missiilabáhčin lea Trident Juncture hárjehallama oktavuođas.

(©NTB)

- Advertisement -
-Almmuhus-