-Almmuhus-
OĐĐASATRuoná Nuorat leat ásahan báikkálaš searvvi Čáhcesullui

Ruoná Nuorat leat ásahan báikkálaš searvvi Čáhcesullui

-

-

Finnmárkku Ruoná Nuorat searvvi miellahttolohku lea lassánan. Badjel 300 proseantta eanet olbmot serve Ruoná Nuorat searvái maŋŋel go leat johtán Nuorta-Finnmárkkus ovddit vahku. Vuorddekeahtes áŋgiruššan Čáhcesullo nuoraid gaskkas dagahii ahte Čáhcesuolu Ruoná Nuorat ásahuvvui.

 

Finnmárkku Ruoná Nuorat finadedje Kirkonjárggas, Várggáin ja Čáhcesullos.

Finnmárkku Ruoná Nuoraid Ola Eian, De Grønnes fylkadiggeáirras Arne Liaklev ja Čáhcesullo gielddastivraáirras Farid Shariati johte fárrolaga.

– Maŋŋel Čáhcesullo galggaimet mii fas Kirkonjárgii, muhto Čáhcesullo responssa geažil oruimet loahppa gierdomátkki. Rabas diehtojuohkinčoahkiimi bohte 14 nuora ja háliidedje ásahit báikkálaš searvvi, muitala Ola Eian preassadieđáhusas.

 

Golmmas stivras

Fylkasearvvi miellahttolohku lea lassánan 8 gitta 28 miellahttui, eanaš ođđa miellahtut bohtet Čáhcesullos.

Badjel beali Finnmárkku Ruoná Nuoraid miellahtuin leat Čáhcesullos, danne doppe dárbbašuvvo báikkálaš searvi.

Ođđa báikkálaš searvvi stivrras leat golmmas: Sigurd Weggersen (jođiheaddji), Kaoma Chibesa ja Basse Johnson.

 

 

 

-Almmuhus-