-Almmuhus-
-Almmuhus-
-Almmuhus-
OĐĐASATRuoná illu

Ruoná illu

-

-

Guovddášbellodat manná Kárášjogas ovddas ovdagihtii jienasteamis olles 6,5 proseantta ovddit válgga ektui, vaikke sis lea leamaš sátnejođiheaddji maŋemus njealji jagis.

Guovddášbellodaga beavddis lei albma ruoná illu válgagohcimis Márkanšalddi kaféas, go Ávvir guovlladii doppe diimmu maŋŋel go ovdagihtii jienat ledje almmuhuvvon. Guovddášbellodaga sátnejođiheaddjeevttohas Anne Toril Eriksen Balto lea hui ilus.

 – Mun lean hui duhtavaš go mannat ovddos ovddit válgga ektui. Dán dulkon ahte mii leat dahkamin buori válgga, dadjá Eriksen Balto.

 

Doaivva šaddat sátnejođiheaddjin

Anne Toril Eriksen Balto smiehtasta oanehaččat jearaldahkii, ahte lea go son boahtte njeallje jagi fas Kárášjoga sátnejođiheaddjin.

 – Doaivumis lean. 80 proseantta jienain eai leat vuos lohkkon, dadjá son.

 

Beahtahallan

Gurutbellodaga sátnejođiheaddjeevttohas Nils Nilsen Gaup ii čiegat ahte son lea beahtahallan go mannet maŋos olles 5 proseanttain nu ahte sii eai leat ožžon ovdagihtii eará go 2,6 proseantta. Dáid jienaid mielde leat sii nubbin unnimus bellodat Kárášjogas. Maŋábealde lea dušše ođđa listu, Dáloniid Listu.

 – Dál gal lean beahtahallan, muhto ollu jienat ain galget lohkkot, dadjá Gaup.

 


BEAHTAHALLAN: Gurutbellodaga njunuš Nils Nilsen Gaup dagai heajos válgga ovdagihtii jienasteamis.

 

Eai vuollánan

Kárášjot`lista dagai erenoamáš buori válgga 2011:s, go besse sisa golmmain áirasiin. Ovdagihtii jienaiguin mannet sii maid garrasit maŋos. Namalassii lagabui beliin maŋos. Kárášjot`listta Siv Anita Aslaksen ja Magnar Aslaksen eaba loga iežaset suorganan.

 


EAI SUORGANAN: Kárášjot`Listta Siv Anita Aslaksen ja Magnar Aslaksen eaba leat suorganan vaikke unnán jienasteaddjit leat sin jienastan ovdagihtii.

 – Eat lea suorganan go ollu jienat galget vuos lohkkot. Jus beassat golmmain fas sisa, de leat duhtavaččat, muhto jáhkkit njeljiin siste, dadjá Magnar Aslaksen.

 


BOHTOSAT: Dá leat ovdagihtii jienat Kárášjogas.
Šearbmagovva nrk.no

 

-Almmuhus-