Suoma kulturfoanda lea juolludan ruđa čieža sámi prošektii.
Eanemus ruhtadoarjaga oažžu Anarâškielâ servi sin čállinprošektii. Anarâškielâ searvi áigu geavahit ruhtadoarjaga čállin- ja giellagáhttenprošektii. Searvi oažžu 90 000 €.
Olu ruhtadoarjagat manne maid Suoma beale Sámi festiválaide:
Sámi dáidaga doarjjasearvi, Skábmagovat-filbmafestivála 25 000 €.
Heahtá Musihkkabeaivvit 20 000 €.
Anára Sámisearvi Lágidit Ijahis idja 2020 eamiálbmogiid musihkkafestivála 15 000 €.
Earát mat nai ožžo doarjaga ledje:
Čeavetjávrri Dálvesiida-prošeavtta 13 000 €.
Fil. magisttar Michelle Francett-Hermes, oahpaheaddjeskuvlejupmái gieđahalli nákkosgirjebargui, 27 000 €.
Multidáiddárat Heidi Juliana Gauriloff ja Niki Rasmus, nuortalašgielat musihkkaskerrui 8 500 €.
Nu čállá Yle Sápmi iežaset neahttasiddus.