Foanda juolluda 170 000 ruvnno Sámi duodjái vai ovddidit neahttagávppi.
Sámi Duojis lea fysalaš gávpi Johkamohkis gos eanet go 60 duojára miehtá Sámi vuvdet iežaset dujiid. Muhto pandemiija geažil leat unnán olbmot gávppašan fysalaš gávppis. Dán jagi eai lágiduvvon Johkamohkemárkanat mii maid lea dagahan ahte vuovdin njiedjá, dieđihit preassadieđáhusas.
Dál lea Stiftelsen Gustafva Adelskölds foanda juolludan Sámi Duodjái 170 000 ruvnno ovddidan dihte digitála neahttagávppi. Foanddas lea ulbmil ovddidit Ruoŧa beale sámiid.
Doarjja galgá ovddidit ja dahkat vejolažžan duojáriidda vuovdit iežaset dujid digitála neahttagávppi Sámi Duodji bakte. Nu dieđiha Norrbottena Leanastivra preassadieđáhusas.
