Suoma Akademiija juolluda ruhtadeami čieža dutkanprošektii Lappi universitehtas.
Okta dutkanprošeakta mii ožžo doarjaga lea sámegiela gielladutkan. Lea professor Pigga Keskitalo gii dutká áitojuvvon sámegielaid dálá dili ja mot láhčigoahtit gielladiđolaš oahpahusa sámemánáide ja -nuoraide. Mielde leat davvi-, julev- ja máttasámegiella, ja anáraš- ja nuortalašgiella. Prošeakta oažžu miljonbeali euro.
Nubbi prošeakta mii oažžu doarjaga lea professor Sanna Valkonen. «Sámipolity» nammasaš dutkanprošeakta galgá iskat mot sámiid politihkalaš árbevieruid ja politihkalaš jurddašeapmi lea. Prošeakta oažžu miljonbeali euro, dieđiha Yle Sápmi.
Oktiibuot lea Lappi universitehtii juolluduvvon 3,7 miljon euro.
