Juohke jagi juhkko 42 miljárdda doarjja gielddaide ja eaktodáhtolaš servviide doarjjaortnegiid bokte. Dál lea Romssas vejolašvuohta oažžut stuorát oasi dan ruđas.
Juohke jagi juhkko 42 miljárdda doarjja gielddaide ja eaktodáhtolaš servviide doarjjaortnegiid bokte. Dál lea Romssas vejolašvuohta oažžut stuorát oasi dan ruđas.
Lávvardaga geassemánu 17. beaivvi dollojuvvo doarjjaortnetkursa Ráisavuonas, sihke valáštallanservviide ja buot eaktodáhtolaš servviide ja organisašuvnnaide miehtá Romssa.
– Mii háliidat bargat dan ala ahte dat ollu buori prošeakta fuomášumit suohkanis ja eaktodáhtolaš servviin galget duohtandahkkot doarjjaortnegiiguin. Dan lea vejolaš, máŋgasiidda lea doarjjaortnegiid váttis ja hástalussan gávdnat. Danin lágida ge Evenmo Fritidsgård maŋit lávvardaga gelddolaš kurssa mo gávdnat daid ollu doarjjaortnegiid, dadjá beaivválaš jođiheaddji Lill – Grethe Lunde Evenmo, Evenmo Fritidsgårdas preassadieđáhusas.
Ieš oassálastán
Lill-Grethe Lunde Evenmo lea ieš oasálastán ovdal dákkár sullasaš kurssas, ja fuomášii daid ollu vejolašvuođaid maid earát galggašedje maid máhttit.
– Dát lea hui dehálaš fága, maid olusat galggašedje oahppat, dadjá Evenmo.
Kurssas oahppá gávdnat daid ollu doarjjaortnegiid birra mat gávdnojit. Juohke jagi ilbmet ođđa doarjjaortnegat maid lea vejolašvuohta ohcat.
– Kurssas oahpat mo gávdnat álkibut daid ollu doarjjaortnegiid ja mo šattat čeahpit daid ohcat. Doarjjaortnegat loktejit ekonomalaččat olles guovllu, loahpaha Lill – Grethe Lunde Evenmo.
Kursa logaldallit leaba Anders A. Vik ja Ingrid Jahannesdatter, geat guktot bargaba BOJL.no fitnodagas.
Vik lea logaldallan dákkár kurssain 2006 rájes ja lea Norgga eanemus geavahuvvon logaldalli dán fáttá birra.
