Ráđđehus juolluda 48 milljovnna ruvnnu ásahit ođđa oahpposajiid Norgga allaskuvllaide ja universitehtaide.
– Lea dehálaš ahte ukrainalaš báhtareaddjit ožžot vejolašvuođa gazzat oahpu go bohtet deike. Seammás eat háliit ahte norgalaš studeanttat manahit iežaset sajiid. Danin ruhtadit 1000 ođđa oahpposaji, dadjá dutkan- ja alit oahpu ministtar Ola Borten Moe preassadieđáhusas.
Norga galgá váldit vuostá birrasii 35 000 báhtareaddji dán jagi, ja eatnašat dáin bohtet Ukrainas. Oassi dáin leat dan agis go lea lunddolaš váldit alit oahpu.
– Allaskuvllain ja universitehtain lea dáhttu fállat oahpposajiid ja danin juolludit dása ruđaid vai plánenbarggut manaše njuovžilit, lohká Borten Moe preassadieđáhusas.
