FeFo lea doarjjaortnega «Giisá» bokte juolludan ruđaid heaŋggošaldái Rávttošjoga rastá, Porsáŋggu gielddas.
– Geavahit ruđa sihkarvuođanehttii mii galgá šalddis. Dat mielddisbuktá ahte geassái lea ođđa šaldi anus, muitala Rávttošnjárgga ja birrasa gilisearvvi stivralahttu Nils Roger Pettersen preassadieđáhusas.
Heaŋggošaldi mii lei Rávttošjoga rastá, Snihkkárnjárgga buohta, manai dulvvi mielde 2021 giđa. Dan rájes lea gilisearvi divodan šalddi, ja dál ii váillošii eará sihkarvuođaneahtta vel.
Gilisearvi lea čoaggán ruđa «Spleis» bokte, ja sihke báikkálaš olbmot ja Repvåg Kraftlag leat maid dorjon sin.
Orrun- ja bissonmokta
FeFo gulahallan- ja servodatoktavuođajođiheaddji, Robert Greiner, rámida gilisearvvi barggu.
– Leat báikkálašolbmot ieža geat buktet orrun- ja bissunmovtta, ja Finnmárkkus mii dárbbašit dan. Muhto leat maid olu eará olbmot geat leat searvan «Spleis» bokte, muitala Greiner.
FeFo juolludii 20 000 ruvnnu heaŋggošaldeprošektii, Giisá-doarjjaortnega bokte.
