-Almmuhus-
-Almmuhus-
OĐĐASATRuhta hukset govda­bátti Unjárgii

Ruhta hukset govda­bátti Unjárgii

-

-

Romssa ja Finnmárkku fylkkagielda lea juolludan Unjárga gildii golbma miljovnna kruvnna geassit govdabátti buot Unjárga gieldda dáloniidda.

Unjárga gielda lea vuolláičállán govdabáttihuksensoahpamuša Varanger-KraftUtvikling fitnodagain, dieđiha Unjárga gielda ruovttusiiddus njukčamánu 30. beaivvi.

Dán barggu bokte galget buot dállodoalut, priváhta- ja almmolaš ásahusat čuovvovaš guovlluin oažžut jođánis, allakapasitehta, govdabáddefálaldaga Njiđgu, Sirdagohpi-Juvravuonna, Suovvejohka- Hammernes-Ceavccageađgi. 

Varanger-KraftUtvikling lei áidna fitnodat mii buvttii fálaldaga, ja nu dat sihkkarasttii fitnodahkii govdabáttehuksen soahpamuša. Unjárgga gielda lea hui duhtavaš go báikkálaš fitnodat oaččui dán barggu. Dát mearkkaša ahte eanaš ássit Unjárggas lea vejolašvuohta oažžut fiberčanastumi 2022 jagi maŋŋá.  Varanger-KraftUtvikling dieđiha ássiide goas lea vejolašvuohta dan dahkat. 

-Almmuhus-