-Almmuhus-
OĐĐASAT Ruđat olgo­hivssegii, goavdái, mátkái ja njuovvamii

Ruđat olgo­hivssegii, goavdái, mátkái ja njuovvamii

-

-

Dát ožžo FeFo ruoná ruđaid 2020 giđa.

– Mii doaivut dán dahkat ahte eambbosat buvttehit meahccái ja ahte mii sáhttit veahkehit buoridit álbmotdearvvašvuođa ja lasihit ássanhálu, dadjá Finnmárkkuopmodaga (FeFo) gulahallama ja servodatoktavuođa jođiheaddji Robert Greiner.

Oktiibuot 52 searvvi dahje ovttastusa ohce FeFo ruoná ruđaid ovdal go ohcanáigemearri loahpai guovvamánu 15. beaivvi. 25:s dain ožžo oktiibuot 265 000 kruvnnu.

– Boahtte ohcanáigemearri lea borgemánu 15. beaivvi. Mii ávžžuhit buohkaid ohcat, geain lea olgunastinjurdda ja geat devdet ohcciid eavttuid, dadjá Greiner.

Lagabui 13 miljovnna kruvnnu leat juolluduvvon FeFo ruoná ruđaid bokte das rájes go dat álggahuvvojedje.   – Mii juolludit dušše fal servviide ja ovttastusaide mat leat Finnmárkkus. Juksanmearri lea ahte árvvut maid Finnmárkku luondu luovvá, galget máhcahuvvot fas Finnmárkui. 

Dát searvvit ja ovttastusat ožžo FeFo ruoná ruđaid 2020 giđa:

Iešjoht searvi Áltá – 20 000 kruvnnu goavdái

Hámmárfeastta čuoigansearvi – 20 000 kruvnnu goavdái

Bearalvági lášmmohallan- ja valáštallansearvi – 12 000 kruvnnu mátkedoaimmaide

Várggáid Lions Club – 5000 kruvnnu čakčabuđaldeapmái

Vuođđudus Rávttošnjárgga luonddu viessu ja musea – 6000 kruvnnu Logi buoremussii

Njiđggujávrri bartasearvi – 7500 kruvnnu láhttobolttonii

Porsáŋggu ja birrasa guoppar- ja atnušaddosearvi – 10 000 kruvnnu čoaggimii ja gártemii

Čorgašnjárgga mátkesearvi – 5000 kruvnnu Mánáid beaivái

Várggáid olgunastinsearvi – 10 000 kruvnnu maritiimma buđaldemiide

Bearalvági bivdiidsearvi – 6000 kruvnnu olgohivssegii

Laboratoria dáidaga, kultuvrra ja báikeovdánahttima várás Várggáin – 20 000 kruvnnu vázzinbálgái ja várddobáikái

Kárášjoga pensionisttaidsearvi  – 5000 kruvnnu olgunastinbeaivái

Hámmárfeastta ja birrasa báikkálaš searvi mii gullá Norgga čalmmehemiid lihttui – 5000 kruvnnu luondduvásihusaide

Álttá bivdiidsearvi  – 5000 kruvnnu ealgabivdokursii

Bártnatvuona gilisearvi – 25 000 kruvnnu deliid bidjamii

Porsáŋggu sihkkelastinsearvi – 10 000 kruvnnu sihkkelluottaid ráhkadeapmái

Máskejoga gilisearvi – 15 000 kruvnnu láhttobolttonii

Norgga bivdiidlihttu Finnmárkku NJFF – 20 000 kruvnnu njuovvankursii

Mentála dearvvašvuohta Muosáin – 2500 kruvnnu bassinbeaivái ja guolástangilvui

Deanu bivdiidsearvi – 10 000 kruvnnu báhčingeahččaleapmái fuođđobivddu várás

Porsáŋggu ealgabivdiidsearvi – 15 000 kruvnnu lavdnjegoahtedivvumii

Guovdageainnu demeansasearvi – 6500 kruvnnu nuohttumii ja fierbmumii

Nationálasearvi álbmotdearvvašvuođa várás Johkanjárgga dearvvašvuohtasearvi – 10 000 kruvnnu gálašan- ja guolástansadjái

Báhčaveaileagi penšonisttaidsearvi – 4000 kruvnnu olgunastinbuđaldemiide

Unjárgga bivdiidsearvi  – 6000 dolgevuoggačatnankursii

- Advertisement -
-Almmuhus-