-Almmuhus-
OĐĐASATRørosreinas buoremus biergu

Rørosreinas buoremus biergu

-

-

Bearjadaga geigejedje «Det Norske Måltid» bálkkašumiid borramušbuvttadeddjiide.

Det Norske Måltid stuorra finálas ja 10-jagi ávvudeamis, vuite 13 borramušbuvttadeaddji bálkkašumiid.

Dasa lassin geigejuvvojedje njeallje eará bálkkašumi dán borramušgállás mii lágiduvvui Stavangeris.

 

Trøndelágas eanemus vuoitit

Álggu rájes ledje buot Norgga fylkkat ovddastuvvon gilvvus, oassefinálaid bokte rátke eret muhtimiid ja nu báhce vel 14 fylkka ovddasteaddjit.

– Dál oaidnit ahte Trøndelága, gosa manne vihtta bálkkašumi, lea riikka váldobáiki borramušbuvttadeamis, lohká váldoduopmár Einar Risvik Nofimas.

 

– Geasuheaddji olggosoaidnit

Rørosrein buvtta «Rørosviddas Perle», mii lea ráhkaduvvon miesebierggus, vuittii Dán jagáš biergu -luohkás.

Jury čállá ákkastallamis ahte biergu lea čáppa páhka siste, mas leat buorit dieđut ja lea geasuheaddji olggosoaidnit.

– Gáibiduvvo garra bargu ja erenoamáš buorre kvalitehtadárkkisteapmi buvttadeaddji bealis go nagodit buvttadit bierggu dákkár kvalitehtas, čállá jury.

 

– Ráinnas máhku

Duopmárat čállet ahte lea buorre go buktagat ja ávdnasat, main lea guhkes árbevierru Norggas, biddjojit olahanmuddui eambbo olbmuide.

– Buktagis lea ráinnas ja rikkis máhku, dát lea čábbát čuhppon ja das ivdni lea jámmis. Buktagis lea ráinnas meahccehádja.

-Almmuhus-