Leat registrerejuvvon logi ođđa korona njoammudáhpáhusa Romssas maŋimuš jándoris.
Dat leat guhtta eambbo go beaivvi ovdal.
– Mii oaidnit ahte lohku lassána, dadjá njoammunsuodjalusváldodoavttir Trond Brattland Nordlysii.
– Dan maid oaidnit, lea ahte lea stuorát joavku sosiálalaš aktiiva olbmuin, geat eai leat boahkohuvvon, dadjá son viidáset.
Dán rádjái leat eambbosiin geain ii leat dovddus njoammunbáiki, muhto Brattland rehkenastá ahte gávdnet njoammunguovlluid dan botta go gurret njoammuma.
(©NTB)
