Diibmá leat eambbo fitnodagat reastaluvvan go 2021:s, nu čájehit Statistihkalaš guovddášdoaimmahaga logut.
Riikadásis ledje 3713 reastaluvvama, dat lea 11,7 proseantta dahje 388 eambbo go 2021:s, čállá Statistihkalaš guovddášdoaimmahat.
Stuorámus proseantalassáneapmi lea Romssas ja Finnmárkkus, gos ledje 31,3 proseantta eambbo reastaluvvamat go 2021:s, čájehit Statistihkalaš guovddášdoaimmahaga ođđaseamos logut.
– Jus buohtastahttá loguid ovdal pandemiija-loguiguin, de lea ain reastaluvvanlohku vuollin. Mii fertet gitta 2008:i geahčastit jus galgat gávdnat unnit reastaluvvamiid go dál, dadjá ossodathoavda Erik Fjærli.
Son muitala maid ahte fitnodagat ožžo olu doarjagiid pandemiija oktavuođas, ja dat soaitá leat čilgehussan manin dál lassánit reastaluvvamat.
