Gáranasvuona skuvllas lea dál golmma mánás jo duođaštuvvon covid-19 maŋimuš vahkkus.
Lávvordateahkeda čálii Romssa gielda preassadieđáhusas ahte Gáranasvuona skuvllas lea ođđa oahppis duođaštuvvon covid-19 njoammun. Son vázzá 7. ceahkis ja olles ceahkki lea biddjon erremii.
Dan dihte go oahppi lea čuvvon ruktobusse 412, bivdá Romssa gielddadoavttir buohkaid, geat leat čuvvon dan busse njukčamánu 16. beaivvi gaskal diibmu 14:15 ja 14:30, váldit iskosa.
Maŋimuš vahkku lea dál oktiibuot guovtti mánás ja guovtti bargis Gáranasvuona skuvllas duođaštuvvon covid-19. Guokte ceahki, 1. ja 2., ledje jo biddjon erremii. Skuvla čađaha ruovttuoahpahusa boahtte vahkku rájes buot ohppiide.
