Vaikko baikkalaš politihkkarat eai áigon Nato reáktorčázevuolfatnasiid Romsii, de lihkká bohtet suohkana hápmaniidda. Suodjalus lea vuovdan sin mearrabirasstašuvnnaid dáin guovlluin.
– Dat ii lean buorre čoavddus midjiide. Áinnas eai galggašii dat hápmanat geavahuvvot dakkár ulbmilii, dadjá Jarle Heitmann, Bargiidbellodaga joavkojođiheaddji ja Romssa hápmana stivrrajođiheaddji.
Dat lea Klassekampen mii čállá dan gaskaboddosaš čovdosa birra gos amerihkalaš čázevuolfatnasat leat suohkanlaš hápmanis Grøtsundas Romssas. Suohkan lea čatnon hápmanláhki, mii čujuha ahte lea vuostaváldingeatnegasvuohta buotlágan soahtefatnasiidda.
(©NTB)
