Strømsgodset guossekámpa Romssa vuostá lea maŋiduvvon SAS pilohta bargoheaitta dihtii. Dan duođasta klubba iežas twitterkontos.
– Mii eat beasa mátkkoštit jos ain lea SAS pilohtain bargoheaitta. Háleštin NFF:n odne iđđes, ja sii digaštallet galgá go kámpa maŋiduvvot vai ii, muhto mis álgá šaddat unnán áigi. Fertet váldit mearrádusa sotnabeaivvi ektui, ja dalle lea buoremus maŋidit ja baicce čiekčat vuossárgga, maŋŋebárgga dahje gaskavahkku, dadjá Magne Jordan Nilsen Dagbladet aviisii.
Godset-jođiheaddji lea dadjan ahte lei láittas supportariidda geat leat oastán bileahta Tromsii.
– Sidjiide lea vearrámus go leat geavahan ruđa diŋgot tuvrra Tromsii, ja ii šatta kámpa. Dat lea min mielas váivi.
Ii leat vel mearriduvvon goas kámpa galgá leat.
(©NTB)
