Politiijat rehkenastet ahte nibbástallan Romssa šalddis mannan vahkku lea čielgan, maŋŋel go muhtun dieđihii iežas politiijaide.
– Vaikko váilu dutkan, earret eará motiiva, dáhpáhusčilgehus ja kriminálateknihkalaš luottat, de rehkenastit ahte ášši lea čielgan, dadjá Romssa politijastašuvnna dutkanossodaga jođiheaddji Lene Fabek.
Olbmot, geat leat dieđihan iežaset, leat vuollel kriminála vuolleagi, mii lea 15 jagi, ja danin ii šatta dábálaš ráŋggáštusášši. Politiijat čuovvulit ášši váhnemiin ja mánáidsuodjalusain.
Olmmoš gii čukkohalai lea Securitas-vákta, badjelaš 20-jahkásaš dievdu. Vákta dieđihii ieš dáhpáhusa heahtebálvalussii, Nordlysa dieđuid mielde.
(©NTB)
