-Almmuhus-
-Almmuhus-
SMÁVVAOĐĐASATRomssa politiijat vuorja­šuvvet go lea narkotihkka­kriminalitehta gávpogis 

Romssa politiijat vuorja­šuvvet go lea narkotihkka­kriminalitehta gávpogis 

-

-

Politiijat leat áššáiduhttán njealji olbmo maŋŋá go leat duoguštan stuorra meari hášša Romssas. Sii muitalit ahte doppe leat eambbo ja eambbo vearredahkkit geat lágidit narkotihka gávpoga bokte. 

Guovttis leaba 16- ja 18-jahkásaččat geain lea gullevašvuohta Romsii, duođašta Romssa politijaguovllu politiinspektevra Yngve Myrvoll preassadieđáhusas duorastaga. 

Dutkkalmasat čájehit ahte dat guokte nuora leaba ožžon stuorra meari narkotihka das maid politiijat oaivvildit lea fierpmádat mas lea gullevašvuohta Malmöi, Ruŧŧii. Soai válduiga miessemánu 15. beaivvi go politiijat gávdne 40 kilo hášša muhtun biillas. Dan maŋŋel sii duoguštedje bealgávccát kilo kokaiinna priváhta čujuhusas Romssas. 

Guokte eará leaba oahppásat politiijaide ja orruba Ruoŧas. Politiija muitala ahte sudnos lea Syria nationalitehta ja válduiga miessemánu 18.b eaivvi go vikkaiga čieža kilo kokaiinna váldit rájá rastá Ruoŧas Norgii, Svinesunddas, Mátt-Norggas.   

Politiinspektevra lohká dutkama čájehit ahte dain fierpmádagain ja eaŋkilolbmuin lea gullevašvuohta Mátta-Ruŧŧii. Golmmas leat háldogiddagasas, ja 16-jahkásaš čohkkái háldogiddagasas guokte vahkku. 

-Almmuhus-