-Almmuhus-
KULTUVRARomssa fylkkas ođđa fylkkajuoigi

Romssa fylkkas ođđa fylkkajuoigi

-

-

– Midjiide lea stuora illu muitalit ahte Márjá Helene Fjellheim Mortenson lea virgáduvvon oassin Davvi-Norgga Riikkaoasseortnegii boahtte jagi, dieđiha Romssa Fylkkasuohkan preassadieđáhusas.

Son virgáduvvo Kultuvra Romssa Hárštták kantuvrii čavččabeallai ja beassá leat kollegan Romssa Fylkasuohkana bargiiguin.

– Sii leat duostilat ja dat lea buorre go válljejit virgádit muhtima gii lea nu nuorra. Ja lea hui miellagiddevaš go válljejit muhtima gii lea lullisápmelaš, lohká musihkkár Márjá Helene Fjellheim Mortenson NRK:i.

 

Nannet davvi- ja lullisámi kultuvrra

Riikkaoasseortnegis oažžu nuorra ođđa sámi kulturguoddi vejolašvuođa fokuseret iežas ja earáiguin buvttadit ovttas.

– Ii dárbbaš ekonomalaš risiko bidjat dasa ja beassá maid bargat profešuneala olbmuiguin. Dan virgádeamis oaidnit maid vejolašvuođaid nannet davvi- ja lullisámi kultuvrra. Muđui beassá maid oaidnit erenoamášvuođaid gielas ja musikálašovdanbuktimis, čállá fylkkasuohkan preassadieđáhusas.

 

Ovdanbukti Lullisámi juoigamis

Márjá Helene lea Lulli sámeguovllus eret Svahken Sijtes Engerdalas. Son lea 22 jagi boaris.

Márjá Helene oaččui 2013:s Hedemárkku Fylkasuohkana kulturbálkkašumi dan dihte go son lea áŋgiruššan bargat Lullisámi kultuvrrain sihke ovdanbuktin ja ođasteaddjin.

 

Juuso ja Pirttijärvi maŋis vázzá

Vuosttaš fylkkajuoigi lei Inga Juuso, ja virgi lei vuos geahččalanortnet mii šattai sukseassan.

Ortnet álggahuvvui loahpas 90-logus, ja jagi 2003:s mearriduvvui ásahit fylkkajuoigivirgi fásta virgin, mas Juuso jotkkii gitta son vádjolii.

Romssa fylkkasuohkan virgádii Ulla Pirttijärvi fylkkajuoigin jagi 2016:s, 2017 čavčča álgá Mortensson fylkkajuoigin.

-Almmuhus-