Heargevuodjin lea šaddan árbevierrun Romssas, ja dál lea 16. geardde go Norggameašttirgilvvut heargevuodjimis lágiduvvojit Romssa guovddážis.
Bileahtaid sáhtát oastit Midnight Sun Marathon gávppis Árktalaš márkaniin lávvordaga, dahje sisabeassamis sotnabeaivvi. Lágideaddjit ávžžuhit oastit bileahtaid ovdagihtii go dábálaččat lea guhkes bileahttaráidu go doalut álget sotnabeaivvi.
Doalut álget 12:55 sotnabeaivvi guovvamánu 09. beaivvi ja bistet golmma rádjai go álget juohkit vuoittuid.
Norggameašttirgilvvut heargevuodjimis lágiduvvojit ovttasbargun gaskkal Sámiid Valáštallansearvvi Norggas ja Midnight Sun Marathon.
