Romssa gielda ložže gildosa priváhta deaivvademiide eambbosiidda go logi olbmui. Dál besset earret eará stuorra bearrašat deaivvadit.
Gieldda koronanjuolggadusain, mat čálihuvvojedje skábmamánu 17. beaivvi, gilde priváhta deaivvademiid gos leat eambbo go logi olbmo.
Gaskavahkku rájes ložžejit gáržžideami logi oassálastiin ja dat ii šat guoskka priváhta deaivvademiide gos buot oassálastit gullet seamma dállui, guovtti dállui dahje ásahuvvon ossodagaide mánáidgárddiin dahje mánáidskuvllain, dieđiha Romssa gielda preassadieđáhusas.
Mánáidgárddiid ja mánáidskuvllaid mánáide ii guoskka gielddus priváhta deaivvademiide mas leat eambbo go logi olbmo.
– Dán rádjái leat vásihan ahte mánát leat smávva dásis sorron njoammunleavvamii. Daidda mánáide ii guoskka gaskagáibádus skuvla- ja mánáidgárdeárgabeaivvis, ja danne ii leat ulbmilaš gáržžidit galliin luohkkáustibiin dahje dukkoraddanskihpáriin mánát sáhttet deaivvadit astoáiggis, dadjá njoammunsuddjendoavttir Trond Brattland.
(©NTB)
