Rohttodávda duođaštuvvon

Deanu gielda dieđiha gieldda neahttasiiddus ahte gielddas lea duođaštuvvon rohttodávda.

Jápmán njoammil gávdnui «Birkestransletta» nammasaš guovllus, njoammilis válde iskosiid ja dál lea duođaštuvvon ahte das lei rohttodávda.

Rohttodávda sáhttá njoammut olbmuide.

– Jus gávnnat jápmán njoammila, de fertet suddjenbiktasiid coggat ovdal go gieđahalat dan. Jus gávnnat, de dieđit Biebmobearráigehččui ja divtte njoammila orrut, čállá gielda.