-Almmuhus-
OĐĐASATRohcošeaddji čuoččuhii alddis attáldagaid

Rohcošeaddji čuoččuhii alddis attáldagaid

View all posts Journalista

-

-

Politiijat oaivvildit ahte Divttasvuona dievdu, gii lea áššáskuhtton rohcošemiin, lea ožžon oktavuođa gillájeddjiiguin go lea čuoččuhan alddis buoridanattáldagaid. Dál sáhttá son beassat eret giddagasas.

Sáltu diggegoddi oaivvilda ahte ii leat šat várra ahte duođaštusat sáhttet jávkat dahje billahuvvat jus dievdu luito luovus giddagasas.

Diggegoddi hilggui politiija ávžžuhusa doalahit dievddu gávcci vahkku giddagasas. Dán dieđiha Nordlándda politiijaguovllu politiijaadvokáhtta Charlotte Marie Ringkjøb.

– Politiijat oaivvildit maid ahte áššáskuhtton dievdu sáhttá hárdit álbmoga riektedovddu jus luitet su, lohká son.
Politiijat leat guoddalan duomu, ja dievdu ferte orrut giddagasas gitta lágamánneriekti lea buktán cealkámuša.

 

Čuoččuhii iežas buorideaddjin
Áššáskuhtton dievdu biddjui giddagassii go galgá vihtta olbmo veagalváldán, ja go lea ávkkástallan luohttevašvuođa oažžun dihte seksuála bálvalusa guktii, juovlamánu álggus.

Dan rájes lea vel áššáskuhtton go galgá guokte máná vuostá seksuálalaš láhttenvugiin rihkkon, ja ovtta máná vuostá go lea geavahan elektrovnnalaš gulahallanrusttega.

Dievdu lea čuoččuhan ahte sus leat attáldagat mat buoridit, ja son lea almmuhan mediaid bokte iežas attáldagaid. Politiijat jáhkket ahte leat eanet go vihtta gillájeaddji dán áššis.

Nuoramus lei 14 jahkásaš go dievdu rohcošii suinna, ja boarráseamos lea dál 81 jagi boaris. Dievdu ii oaččo lahkonit gillájeddjiid.
Ášši lea Sálttu diggegottis golggotmánus. (©NTB)

 

-Almmuhus-