Odne lea máilmmiviidosaš Downs syndroma beaivi.
Njukčamánu 21. beaivvi čalmmustahttet Downs syndroma miehtá máilmmi ja maŋimuš jagiid leat olbmot oassálastán máŋggabealatvuođaávvudeapmái rockesuohkuiguin. Dat mielddisbuktá ahte olmmoš coggá guovttelágan suohkuid. Lea maid vejolaš govvet daid suohkobeliid ja juohkit gova sosiála mediain. Dán jagi lea ulbmilin ovddidit searvadahttima.
Norggas riegádit juohke birrasii 70-80 máná geain lea Downs syndroma. Máilmmis ges riegádit gaskal 3000-5000 máná Downs syndromain jahkásaččat.
Olbmot geain lea Downs syndroma leat riegádan lassi kromosomain. Dan ii sáhte dikšut, muhto dutkamušat leat dagahan ahte diagnosain lea vejolaš eallit guhkit ja buorebut. Olbmot geain lea Downs syndroma ožžot ollislaš ja buoret dearvvašvuođafálaldaga dál. Dasa lassin lea váhnenfuolla- ja searvadahttinoahpahus dehálaš vai eallinkvalitehta lea buorre.
Máilmmiviidosaš Downs syndroma beaivi lea čalmmustahttojuvvon 2006 rájes ja eanet fuomášupmi lea addán eanet áddejumi ja máhtu álbmogii.
