-Almmuhus-
SMÁVVAOĐĐASATRoahkkefierbme­bivdu ii liikká gildo

Roahkkefierbme­bivdu ii liikká gildo

-

-

Stuoradikkis leat mearridan ahte roahkkefierbmebivdu mearas ii liikká gildo Finnmárkkus, nu go Dálkkádat- ja birasdepartemeanta lei evttohan.

Stuoradikkis ledje Ovddádusbellodat (OvB), Guovddašbellodat(Gb) ja Bargiidbellodat (Bb) čohkken eanetlogu ahte roahkkefierbmebivdu liikká ii gildojuvvo.

Ledje álggos Bb ja Gb áirasat Runar Sjåstad ja Sandra Borch geat ovddideigga evttohusa mas daddjui ná:

«Stuoradiggi gohčču ráđđehusa ahte eai gieldde roahkkefierbmebivddu Finnmárkkus 2021:s, ja gohččot árvvoštallat eará doaimmaid nannet luossanáli, ja eará vugiiguin unnidit mearraluossabivddu».

Gurutbellodaga dálkkádat- ja birasministtar, Sveinung Rotevatn, mieđihii ášši digaštallamis ahte dan evttohusa maŋemus oassi addá sidjiide vejolašvuođa gáržžidit bivddu bivdoáiggiiguin ja bivdoeriin.

Ovddadusbellodaga stuoradiggeáirras, Bengt Rune Strifeldt, evttohii de sihkkut maŋemus oasi: «(…) ja eará vugiiguin unnidit mearraluossabivddu.»

Su evttohus lei de mii oaččui eanetlogu dien golmma bellodaga bealis.

-Almmuhus-