-Almmuhus-
-Almmuhus-
-Almmuhus-
OĐĐASATRisttalaš servvodagain unnu miellahttolohku

Risttalaš servvodagain unnu miellahttolohku

-

-

Isláma oskoservvodagas lea miellahttolohku duppalaston logi jagis. Nuppe bealis dieđihit eambbogat eret risttalaš servvodagain.

Osko- ja eallinoaidnoservvodaga logut muitalit ahte ledje 619 000 miellahtu ođđajagemánu 1. beaivvi 2017:s.

Diimmá logut, 2016:s, muitalit ahte ledje 622 000 olbmo, geat ledje mielde oskoservvodagain Norggas, mat eai gula Norgga girkui, dieđiha Statistihkalaš Guovddášdoaimmahat.

 

Risttalaččat ain stuorámusat

Risttálaš servodagain leat 340 000 miellahtu ja lea ain stuorimus joavku. Miellahttolohku lea njiedjan 10 000 miellahtuin diimmá rájes.

Erenoamáš sivva dasa lea go Svenske Margaretaförsamlingen miellahtu unno 22 000 miellahtus 10 000 miellahttui dušše ovtta jagis, mii lea 56 proseantta njiedjan.

Risttalaš oskoservvodagain ledje 55 proseantta buot miellahtuin mat eai gula Norgga girkui. Sáhttá namuhit ahte Norgga girkus leat badjelaš 3,7 miljovnna miellahtu.

 

Islámalaš oskoservvodagat duppalaston logi jagis

Islámalaš servvodaga miellahttolohku lea lassánan. 2016:s 2017:i lassánedje miellahtut golmmain proseanttain, ja leat 152 000 miellahtu dál. Logi jagi áigi lei lohku 72 023.

25 proseantta buot oskoservvodagaid miellahtuin, mat eai gula Norgga girkui, leat dál mielde islámalaš oskoservvodagain.

 

Humanetihkas lassánan

Human-ehtalaš lihtus ledje 89 400 miellahtu, ja lea 2500 lassáneapmi maŋemus jagis.

Eará osko- ja eallinoaidnoservvodagain ledje seamma áiggis 3500 miellahtu, mii lea 700 lassáneapmi jagis, čállá Statistihkalaš Guovddášdoaimmahat.

 

-Almmuhus-