Finnmárkku Risttalaš álbmotbellodat doarju álggahit fas ruvkke Nussirii Fálesnuori suohkanii.
Finnmárkku Risttalaš álbmotbellodat doarju álggahit fas ruvkke Nussirii Fálesnuori suohkanii.
Finnmárkku Risttalaš álbmotbellodat čállá preassadieđáhusas iežaset fuomášan ahte Sámediggi vuosttalda Nussir ruvkefitnodaga plánaid roggagoahtit veaikki Fálesnuori suohkanis, Riehpovuonagáttis.
Sii čujuhit ahte Sámedikki biehttaleamis daddjo ahte ruvkedoaibma čuohcá boazodollui ja danne vuosttalda Sámediggi ruvkeálggaheami.
– Fálesnuori gielddas ásset ollu mearrasámit. Sin jiena ii oro Sámediggi váldime vuhtii dán áššis. Iešguđet beliid beroštumit han leat árvvoštallon váikkuhusguorahallamis ja gulahallančoahkkimiin mat leat leamaš, daddjo bellodaga preassadieđáhusas.
Deattuha
Risttalaš álbmotbellodat deattuha loahpas ahte sii doahttalit Fálesnuori suohkanstivrra mearrádusa geat leat miellasat álggahit dohko fas ruvkke.
