-Almmuhus-
-Almmuhus-
OĐĐASAT Riŋge Suoma rádje­vávttaide jus áiggut Romsii vuodjit

Riŋge Suoma rádje­vávttaide jus áiggut Romsii vuodjit

-

-

Luottat Finnmárkkus leat ain gitta, muhto Suoma čađa sáhttá vuodjit jus šiehttá rádjevávttaiguin. Sii geat vudjet Suoma čađa eai dárbbaš logi beaivvi errenáigái go ollejit Norgii.

Geaidnodoaimmahat dieđiha iežaset neahttasiiddus ahte dálkki dihte leat gidden luotta Nuovasmuotkkis. Boahtte árvvoštallama dahket odne sotnabeaivvi diibmu 13:00. 

E6-luodda Lákkovuonas lea ain gitta go ballet ahte uđas sáhttá fierrat. Das dahkko maid boahtte árvvoštallan diibmu 13:00. 

Finnmárkku politiijat čálle ikte Twitteris ahte dál sáhttá Suoma rádjevávttaiguin šiehttat telefovnna bokte jus áigu Geađgeluobbala ja Gilbbesjávrri bokte Romsii vuodjit. Telefonnummir mánnodagas bearjadahkii gaskal 08:00 ja 16:00 lea +358 295 420 100. Vahkkoloahpas sáhttá fas riŋget +358 295 412 510.

Dearvvašvuođadirektoráhtta mearridii álggos ahte sii geat vudjet Suoma čađa fertejit logi beaivvierremii go ollejit fas Norgii, dieđihedje Finnmárkku Politiijat Twitteris. Dál rievdadit mearrádusa, sii geat vudjet Suoma čađa eai dárbbaš errenáigái.

-Almmuhus-