Norsk institutt for naturforskning (NINA) dahje Norgga luonddudutkan instituhtta lea ožžon rámi iežaset ođđa vuogádahkii mo árvvoštallat mo luossa lea áitojuvvon.
Norsk institutt for naturforskning (NINA) dahje Norgga luonddudutkan instituhtta lea ožžon rámi iežaset ođđa vuogádahkii mo árvvoštallat mo luossa lea áitojuvvon.
Dáža dutkit leat iežaset barggu bokte Luossahálddašan dieđalaš rádis ovdánahttán ja váldán atnui ođđa vuogádaga mo galgá árvvoštallat mo luossa lea áitojuvvon.
Dát luossa áitta árvvoštallanvuohki lea almmuhuvvon áigečállagis ICES Journal of Marine Science.
Besset diehtit maid berrejit vuoruhit
Luossahálddašan dieđalaš ráđis árvvoštallan vuogis buohtastahttet mo iešguđetlágan áitagat váikkuhit luossanállái.
NINA dutki ja VRL jođiheaddji Torbjørn Forseth čilge ahte dán vuogádaga ovdamunni lea go dat buohtastahttá iešguđet dálá áiggi áitagiid ja dutká mo dat ovdánivčče áiggi mielde.
Danin lea dát áitta árvvoštallan vuohki nu mávssolaš su mielas, go dan bokte ožžot dieđu maid berrejit vuoruhit sihke dutkamis ja hálddahuslaččat.
– Vaikko dát vuogádat lea heivehuvvon norgalaš dili vuođul, de sáhttá daid álkit heivehit eará riikkaide ja riikkaidgaskasaš árvvoštallamii, lohká Forseth.
Dán áitta árvvoštallamis lea 16 eavttu masa olbmot váikkuhit.
NINA, Uni Research Miljø, Mearradutkan instituhta, NIVA, Veterineara instituhta, UiT/Norga Árktalaš Universitehta ja Oslo Universitehta ásahusaid dutkit lea čállán dán artihkala
Eambbo dieđut dáppe.
