-Almmuhus-
-Almmuhus-
-Almmuhus-
OĐĐASATRiggodagaid bohkan gitta 2182 jahkái

Riggodagaid bohkan gitta 2182 jahkái

-

-

Muhtun oljofitnodagat leat ohcan lobiid oljobohkamii Nenetsa autonomaguovllus Ruoššas.

Ikte Nenetsa autonomaguovllu eisseválddit leat almmuhan dieđuid ahte guovllus lea vejolaš bohkat ja viežžat oljoriggodagaid ábis ain 50 jagi ovddosguvlui.

Muhto “Rosneft” oljofitnodat lei ohcan lobi oljobohkamii gitta 2182 jahkái.

-– Go mis lea okta fitnodat mii lea jo ohcan lobi gitta 2182 jahkái, de soaitá mis leat doarvái ollu oljju gitta 22. čuohtejahkái, logai guovllu eisseváldi Oleg Belak nao24.ru ođasdoaimmahahkii ikte.

 

Oljo- ja gássabohkan álggahuvvui Nenetsa autonomaguovllus Ruoššas 1984 jagis. Otná beaivvi mielde guovllus barget 26 oljo- ja gássafitnodaga main leat oktiibuot 102 lobi bohkat ja viežžat riggodagaid.

 

Zapoljarnij suohkan Nenetsa autonomaguovllus lea Guovdageainnu suohkana ustitvuođasuohkan. Zapoljarnij suohkan ges lea Nenetsa autonomaguovllu stuorimus suohkan.

Nenetsa autonomaguovllus barget 14 kollektiivvalaš boazodoallofitnodaga ja ovcci priváhta bearašlágan fitnodaga.

Suoidnemánu vuosttaš beaivvi mielde Nenetsa autonomaguovllus rehkenaste leat 187 700 bohcco, mii lea 3,7 duháha eambbo go diibmá.

 

-Almmuhus-