Áittii bensinstašuvnnabargi ja beasai báhtui.
Áittii bensinstašuvnnabargi ja beasai báhtui.
Bearjadat iđitdiimmuid rieviduvvui bensinstašuvdna Gárganis, Romssa suohkanis. Vearredahkki lea beassan báhtui.
Kvártta badjel guđas bođii politiijaide diehtu ahte muhtin almmái lea rievidan bensinstašuvnna, geas lei bissu vel fárus. Dán áigodaga galgá leamaš dušše okta olmmoš barggus, gean son áittii bissuin.
Lea vuos eahpečielggas man olu son háhppehii oažžut mielde.
– Ii oktage leat fysalaččat roasmmohuvvan, muhto vearredahkki eat leat vel gávdnan, dieđihit Romssa politiijat Twitteris.
Politiijat eai dieđe mo vearredahkki vánddarda, muhto politiijas leat olu bargit barggus.
Dihtet makkár olmmái lea oaidnit
Politiijat ohcet olbmá guhte lea sullii 170 centimehtera guhku, ránes biktasat ja čuvges/ránes gaibagahpir mas lea gierdu vel ovddabealde.
Ruškes/rukses skuovat main leat vilges báttit ja čáhppes liidni ámadaju ovddas.
