Lávvordaga dieđihedje Ruoŧa eiseválddit ahte rievdan korona njoammudávda lea gávdnon Ruoŧas.
Rievdan koronadávda njoammu eanet. Dutkit dieđihit ahte sáhttá njommon 70 proseantta eanet go dat dábálaš koronadávda.
Muhtin olbmos lulli- Ruoŧas lea dieđihuvvon dat ođđa rievdaduvvon korona variánta. Sara Byfors, Ruoŧa álbmotdearvvašvuođas celkkii ahte dilli lea duođalaš ja ahte eanet olbmuin Ruoŧas sáhttá leat dávda:
– Lea sáhka olbmos gii lea mátkkoštan Stuora-Británnias Ruŧŧii ávvudit juovllaid. Muhto dávda sáhttá njommon earáide maid čilge Byfors, Ruoŧa álbmotdearvvašvuođas
Ruoŧŧa ávžžuha dal buohkaid geat mátkkoštit Ruŧŧii Stuora-Británnias váldit korona iskosa. Ruoŧas leat eanet go 8.000 olbmo jápmán korona dávdi ja 389.439 olbmui lea njommon.
Sotnabeaivvi iđđedis oaččui vuosttaš vuorasolmmoš Ruoŧas koronavaksiidna lulli-Ruoŧas.
(©NTB)