Guolásteddjiid sáhkádusoassi galggašii nannejuvvot viđain miljovnna kruvnnuin. Dasa lassin lasihuvvojit dáhkádusáigodagat.
Guolástus- ja mearrabiebmoministtar Odd Emil Ingebrigtsen lohká ahte vaikko buohtastahttá eará ealáhusaiguin, de manná govttolaš bures guolástusealáhusas.
– Dattetge oaidnit mii dárbbu nannet guolásteddjiid ortnega dáhkádusosiin. Dáhkádusoassi galgá sihkkarastit ahte guolásteaddji oažžu unnimustietnasa jus guolásteapmi man nu sivas ii lihkostuva, ja korona-dilli sáhttá leat lasihan dárbbu dákkáraš ortnegii, čilge guolástus- ja mearrabiebmoministtar Odd Emil Ingebrigtsen preassadieđáhusas.
Ráđđehus evttohii ovdal beassážiid lasihit dáhkádusoasi viđain miljovnnain kruvnnain. Stuorradiggi lea dál dan mearridan ja Ealáhus- ja guolástusdepartemeanta lea mearridan lasihit dáhkádusáigodaga guovtti áigodagas golmma áigodahkii. Dál sáhttet guolásteaddjit ohcat doarjaga eambbo áigodagaide ja jus leš dárbu, de árvvoštallá departemeanta muddet dan.
