-Almmuhus-
-Almmuhus-
MAGASIIDNA Rieban hárdá geatkki

Rieban hárdá geatkki

-

-

Leago rieban nu gávvil ahte ii fáhtehala geatkái? Geahča erenomáš filmma man Stáda luonddubearráigeahčči darvehii báddái.

Son lei bargomátkkis registreremin geatkkečivggaid go beasai vásihit juoga áibbas erenomáža. Romssa stáda luonddubearráigeahču guovllu boraspireovddasvástideaddji Thomas Strømseth lea máŋga minuhta filbmen riebana mii oaguha ja hárdá geatkki.

 – Fuomášin vuos geatkki mii susttašii bievladielkku, veahá dobbelis goarjádii rieban. Go geatki vulggii biejus guvlui, de čuovvolii rieban, muitala Strømseth.

 

Váttis baldit

Geatkki ii orron liikomin go rieban čuvoda ja danin viggá baldit riebana.

 – Rieban lei falli, iige orron álki baldit dan. Loahpas filmmas oaidnit ahte rieban maiddái bahkke geatkki bidjui, in dieđe dovdá go rieban iežas oktonassii vai biepmu maŋis go lei. Dákkár dilálašvuođas lea stuora vejolašvuohta ahte rieban borahallá geatkái, lohká Strømseth.

 

Vuollelis dán áššis oainnát filmma, beassá go rieban heakkas?

 

Suohtas

Boraspireovddasvástideaddji bargobeaivi šattai oalle erenomážin.

 – Lei suohtas oaidnit, go dán ii vásit beare dávjá, čilge Thomas Strømseth gii ii sáhte almmuhit gos filbma lea báddejuvvon.

Juohke giđa registrere Stáda luonddubearráigeahčču geatkkečivggaid, Strømseth čađaha barggu Romssa fylkkas.

 – Lea ádjás bargu, ja justa dien guovllus fertet nuppes fitnat go gáibiduvvo ahte máŋgii galleda guovllu, muitala son.

 

Filbma: Thomas Strømseth/Birasdirektoráhta

-Almmuhus-