28-jahkásaš Alice Marie Jektevik lea Riddu Riđu ođđa buvttadeaddji
Son lea eret Lulli-Romssas ja lea bajásšaddan Romssas.
Dál son fárre Olmmáivággái, go galgá buvttadit Riddu Riđu.
Hárjánan
Jektevik lea hárjánan buvttadeaddji.
Sus lea vuos Bachelor media ja gulahallamis, son lea nuoraidorgánaisášuvnna Noereh nubbijođiheaddji, ja son lei njunnošis lágideame Sápmi Pride Guovdageainnus 2016:s.
Jektevik lei maid mielde álggaheame olgobáikki Oslos, namalassii Idja – Sámi club night, mii lea Riikalávddis.
– Jektevik mihttu lea ahte Riddu Riđđu festivála galgá ain áŋgiruššat, hirpmástuhttit, ja leat dakkár kvalitehtafestivála gos sii hásttuhit iežaset ja sin gehččiid, čállá Riddu Riđđu festivála preassadieđáhusas.
