Odne, bearjadaga, almmuhit Riddu Riđđu festivála guhtta ođđa joavkku iežaset kick-off feasttas Romssas.
Dán eahkedis Romssas besset geahččit oaidnit joavkkuid mat servet festiválii geasset
Otná artistaalmmuheapmái bohtet Kajsa Balto, OZAS, Elin & the Woods, Bats of Congress, Article 3, ja DJ iDJa ÅVLAain ja Ramona Linneain.
Riddu Riđus lea maid 30-jagi ávvudeapmi dán geasi, ja festiválajođiheaddji muitala ahte šaddá festivála vaikko makkár gáržžideamit ležžet.
– Mii leat vuovdnát iežamet prográmmain mainna leat bargat áiggis gos olu gáržžideamit. Prográmmasisdoallu lea gárvvis, muhto mii áin vuordit ráđđehusas dieđuid geasi birra. Muhto Riddu Riđđu gal šaddá aŋkke, ležžet dal 200 guossi vai 2000, de lea árvu deaivvadit, lohká festiválajođiheaddji Sandra Márjá West preassadieđáhusas.
Ovdalaččas lea Riddu Riđđu juo almmuhan ISÁK, Felgen Orkestera, Katarina Barruka, Gájanasa, Ailu Vaille + Amoca, ja Emil Kárlsena ja Lávrre olbmáiguin.
