Buoremus dálki dieđihuvvo Østlánddas, Vestlánddas ja davimus guovlluin Nordlánddas.
Ođđabeairuohta rakeahtat lea oallugiidda buot somámus go ođđa jagi váldet vuostá, muhto dálkeipmilat eai cealkke buriid dálkkiid buot guovlluide.
Meteorologalaš instituhta meteorologa, Magnus Ovhed, dadjá Østlánddas šaddet buoremus dálkkit ođđabeairuohta.
Mađi davvelii vuolggat, dađi heajut rakeahttadálki šaddá. Møre, Trøndelága ja Nordlándda riddoguovlluin dieđihuvvo borga vahkkoloahpa mielde. Muohtaoavttit leat dieđihuvvon Vesterålen ja Romssa ja Finnmárkku riddoguovlluin maid.
– Finnmárkku riddoguovlluide lea dieđihuvvon riđđu, nu ahte doppe gal ii šatta rakeahttadálki, dadjá Ovhed ja lasiha:
– Muhto davimus guovlluin Nordlánddas ja Sis-Romssas galgá leat buorre dálki.
Vestlánda sáhttá ráhkkanit arvedálkái. Ovhed dieđuid mielde galgá doppe arvit goit 30-40 millimehtera.
(©NTB)
