Sámeráđi Gunn-Britt Retter váldá badjelasas árktalaš guovllu ovddasteaddjerolla Ovttastuvvon Našuvnnaid Dálkkádatsoahpamuša (UNFCCC) eamiálbmot bargolávdegottis.
Gunn-Britt Retter lea Sámiráđi árktalaš- ja birasossodaga hoavda. Dál son searvá vel ON eamiálbmot bargolávdegoddái.
– Lávdegotti ulbmil lea sihkkarastit eamiálbmogiid oassálastima, vuhtii váldit eamiálbmogiid oainnuid dálkkádatráđđádallamiin. Lea hui dehálaš ahte eamiálbmogat birra máilmmi eai dárbbaš guoddit duppalnoađi, maid dálkkádatrievdan ja dan muddendoaimmat buktet, dadjá Gunn-Britt Retter.
Sámiráđđi lea siviila sami servodaga jietna Árktalaš ráđis, ON luonddubiraskonvenšuvnnain ja eará riikkaidgaskasaš lávddiin. Doppe sii muitalat makkár hástalusat sámi kultuvrras leat ja buktet čovdosiid maid sii oidnet sámi kultuvra ja sin máhttu sáhttá fállat.