-Almmuhus-
OĐĐASATRenate Fagerness – Sosialisttalaš Gurutbellodaga vuosttaševttohas Ávjovári válgabiirres

Renate Fagerness – Sosialisttalaš Gurutbellodaga vuosttaševttohas Ávjovári válgabiirres

-

-

NRK Sápmi ja Ávvir leat bivdán listonjunnošiid, geat oassálastet sámediggeválgii 2017, vástidit moadde gažaldaga iežaset birra. Dá lea okta kandidáhtain:

Válgabiire: Ávjovárri

Bellodat: Sosialisttalaš Gurutbellodat

Namma: Renate Fagerness

Ahki: 33

Siviiladilli: Ovttasássi

Eatnigiella/giella: Dárogiella

 

 

Beroštumit

Makkár astoáigedoaimmat leat dus?

– Bearaš, olgodaddan, lohkan ja giehtabarggut.

 

Mii lea dat stuorámus maid leat vásihan eallimis?

– Šaddat eadnin.

 

Maid dagat go áiggut vuoiŋŋastit?

– Geavahan áiggi iežan bearrašiin.

 

Gii lea du stuorámus ovdagovva ja manne?

– Lea hui klišea, muhto mu stuorámus ovdagovva lea mu eadni. Mun hervvošan su givrodaga, ja maid son bargá iežas mánáid ja áhkkubiid ovddas.

 

Bargu ja oahppu

Maid don barggat dál ja makkár barggut leat dus ovdal leamašan? Makkár oahppu lea dus?

– Autoriserejuvvon veahkkebargi, virgáduvvon Porsáŋggu suohkanis, barggan «Trekløveris». Lean gárven fidnofága joatkkaskuvllas.

 

Politihkalaš duogáš

Guđiid bellodagaid leat don ovddastan? Leat go leamašan sámediggeáirras?

– Lean ain oalle varas politihkas, lean dušše ovddastan SG. Lean aktiiva leamaš Fágalihtus nuoraidluohttámušolmmožin.

 

Váibmoáššit

Makkár áššiide áiggut bidjat fokusa?

– Giella, kultuvra, mánát ja dearvvasvuohta.

 

Mii lea du mielas eanemus hástaleaddjin man Sámediggi ferte čoavdit čuovvovaš áigodagas?

Evttohas ii leat vástidan gažaldahkii.

 

Čilge manne/manne eai galggaše minerála- ja ruvkefitnodagat oažžut lobi ásahit ja álggahit doaimmaid sámi guovlluin?

– Lea dehálaš ahte boazodoallu beassá doalahit dehálaš areálaid, ii ge massit daid stuoraservodaga huksemii.

 

Čilge doaibmá go dálá boazodoallopolitihkka vai ii. Mii šaddá deháleamos ášši mii guoská boazodollui čuovvovaš áigodagas?

Evttohas ii leat vástidan gažaldahkii.

 

Eanandoallu, movt sáhttá Sámediggi dahkat sihkkarastin dihte ahte nuorat sáhttet joatkit ealáhusas / álgit ealáhussii?

– Sihkkarastit ealáhusa sisaboahtoovdáneami, geahččat mii sáhttá dahkkot eará doaimmaid ádfus.

 

Mii lea dat stuorámus hástalus guolástusealáhusas Sámis? Maid sáhttá Sámediggi dahkat nu ahte dat unnimus doalut maid sáhttet birgejumi viežžat guolásteamis?

– Dat ahte álgit guolásteaddjin dál lea gártan divrrasin. Guolástusvuoigatvuođat leat šaddan gávpegálvun mat unnot olbmuid gaskkas. Mii fertet bargat oažžut guolástusvuoigatvuođaid ruovttoluotta riddoguovlluide. Mii fertet geahččat makkár eará doaimmat sáhttet biddjot johtui.

 

Sámegielat, movt berre Sámediggi láhčit dili nu ahte nannejuvvojit čuovvovaš áigodagas?

– Doarjut prošeavttaid nu go «Sámás muinna» ja «Sámás mánáin», láhčit dili vai sáhttá ovdánahttit eambbo mánáid iešguđet sámegielain. Bargat vai leat buorit vejolašvuođat oahppat sámegiela skuvllas, mánáidgárddis ja sidjiide geat leat massán sámegiela.

 

Makkár ođđa bargosajiid lea dehálaš vuoruhit čuovvovaš áigodagas?

Evttohas ii leat vástidan gažaldahkii.

 

Guđe ášši lea čuohcan dutnje eanemusat ja manne?

– Dán gažaldaga lea váddáseamos leamaš vástidit dán rádjái, go in áiggo ovttage diktit namutkeahttá.  Muhto giella gal lea hui lagas munnje, dan gal in sáhte čiegadit. Lean ieš mielde giellakampánjas «Sámás mánáin» go in mun ii ge mu ovttasássi hupman sámegiela go álggiimet. Muhto kampánja bokte letne ožžon ođđa duostilvuođa váldit giela fas atnui, munno mánáide ja sin identitehtii.

 

 

-Almmuhus-