Váddásit ja bienalaš rehketdoalluovdanbuktin dagahii gielddaáirasiidda eahpesihkarvuođa dan ektui leigo gielddas vuolláibáza jagi 2014. Muhto boađus čájehii loahpas ahte gielddas lei badjebáza lagabui njeallje milliuvnna.
Váddásit ja bienalaš rehketdoalluovdanbuktin dagahii gielddaáirasiidda eahpesihkarvuođa dan ektui leigo gielddas vuolláibáza jagi 2014. Muhto boađus čájehii loahpas ahte gielddas lei badjebáza lagabui njeallje milliuvnna.
*/
Deanu gielddastivrras lei ikte bidjon liigečoahkkin gos galge rehketdoalu ja jahkedieđáhusa meannudit ja dohkkehit.
Áššebáhpiriid mielde čájehii gielddas ledje 11 milliuvnna ruvnno ovddas vealgegáibádusat mii dagahii eahpesihkarvuođa ja buvttii digaštallamiid áirasiid gaskkas leigo dat vuolláibáza vai mii.
Badjebáza
Sátnejođiheaddji Frank Ingilæ čilge sii ledje bidjan liigečoahkkima go ferteje dohkkehit rehketdoalu ovdal go ođđa gielddastivra ásahuvvo dán čavčča válggaid maŋŋel. Son lohká lei veaháš eahpesihkarvuohta ja boasttuipmárdusat gielddastivrras movt rehketdoallu lea.
– Gielddaekonomiija ja rehketdoallu lea váttis ja go das lea hui dárkilis njuolggadusat movt galgá čoavdit daid, iige leat nu álki ipmirdit, muhto rehketdoallu goitge loahpas dohkkehuvvui gielddastivrras ja Deanu gielddas lea badjelbáza 3,8 milliuvnna ruvnno jagi 2014.
Ii dramatihkka
Ingilæ lohká dat 11 milliuvnna leat vealgegáibádusat gieldda birrasiid 4000 kundaris.
– Dat mearkkaša ahte leat gieldda ássiin geain leat vealggit gildii, ja mii leat rehkenasten ahte measta buot máksojuvvot gildii dán jagi mielde. Moaddečuođi duháha ruvnna dan 11 milliuvnnas eat oaččo máksojuvvot, ja dat lea juo biddjon bušehttii táhpan. Das ii leat mihkkege dramatihkka go dat lea dábálaš ja lea juoga mii dahkko juohke jagi, lohká son.
Deanu gielddastivra bijai maid badjelaš 900000 ruvnno disponerenfondii, mainna lea vejolaš gokčat táhpaid maid eai oaččo sisa.
