-Almmuhus-
-Almmuhus-
-Almmuhus-
OĐĐASATRedaktevrrat moitet ain ođđa aviisajuohkašumi

Redaktevrrat moitet ain ođđa aviisajuohkašumi

-

-

Njeallje vahkku maŋŋel go Poastta heittii juohkimis lávvardataviissaid, lea ain dievas moivi, oaivvildit redaktevrrat.

Redaktevrrat geat leat duhtameahttumat ođđa aviisajuohkašumiin gáibidit ahte johtalusdepartemeantta máhcaha doaimma Norgga Postii.

– Lea dievas moivii ja munnje lea áibbas veadjemeahttun gávdnat sivalačča. Dieđán dušše ahte váttisvuođat čuožžiledje maŋŋel go Kvikkas juohkigođii aviissaid lávvardagaid, lohká Hallingdølen redaktevra Bjarne Tormodsgard Klassekampen aviisii.

 

Eai ollen diŋgojeddjiide

Kvikkas lea njeallje lávvardaga juohkán aviissaid lávvardagaid. Hallingdølen aviissa ovddas galggašedje juohkit 800 aviissa Flå, Nore ja Uvdal guovllus, muhto ii masá okta ge lohkki ožžon aviissa guokte lávvardaga.

– Danin leat gártan earáid bálkáhit dán doibmii, ja dat šaddá liigegollun midjiide, lohká Tormodsgard.

 

Gáibidit ođđa doaimma

Son ja eará báikkálaš aviissaid redaktevrrat gáibidit ahte johtalusministtar Ketil Solvik-Olsen botke šiehtadusa Kvikkas:in.

Ruđat maid departemeantta seastá, berre baicce geavahuvvot aviisajuohkašupmái mii doaibmá.

Ráđđehus seastá guovtti jagis sullii 200 milljovnna ruvnnu go Poasta ii doalvvo olbmuide aviissaid lávvardagaid.

 

– Šaddá buoret

Kvikkas beaivválaš jođiheaddji Stig Kleive oaivvilda ahte lávvardagaid aviisajuohkašupmi lea sakka buoret go mediaid govahallan.

– Ovttas aviisasurggiin bidjat olu návccaid buoredit aviisajuohkašumi. Mii vásihat ahte šaddat buorebut vahkkus vahkkui, lohká Kleive.

-Almmuhus-