-Almmuhus-
-Almmuhus-
OĐĐASAT RDM muitala podkast bokte sámi museaid birra

RDM muitala podkast bokte sámi museaid birra

-

-

RiddoDuottarMuseat muitalit podkast bokte mo sii barget sámi museain, čoakkáldagaid birra, dávviriid ja  historjjá birra. Lea sihke sáme- ja dárogillii ja fargga maid kvenagillii. 

RiddoDuottarMuseat rahpe geassemánu nuppi beaivvi čieža áiggi iđđedis Podkast-ráiddu. Dan bokte beassá gullat mo sámi museat Kárášjogas, Guovdageainnus, Leavnnjas ja Jáhkovuonas ja dáiddamagasiidna barget. 

– Podkasta bokte beassá gullat mii dáhpáhuvvá museain sihke dan maid guossit oidnet ja dan maid eai oainne. Min áigumuš lea muitalit museačoakkáldagaid, gelddolaš historjjáid, miellagiddevaš dávviriid ja dáhpáhusaid birra, ja maiddái gelddolaš prošeavttaid birra. Dáppe beassá maid gullat jearahallamiid, muitala Sámiid Vuorká-Dávviriid  museajođiheaddji Jelena Porsanger Kárášjogas. 

Podkast-ráidu lea RDM ossodagaid ovttasbargu. Podkasta sáhttá gullat sihke sáme- ja dárogillii ja farga maid kvenagillii. Muhtin osiid sáhttá maid gullat eŋgelasgillii. Luođi maid gullá podkast-ráiddus lea Per Tor Turi dahkan ja ieš maid juoigá dan. Buvttadeaddjit leaba Kjersti Robertsen ja Jelena Porsanger. Vuosttaš podkast  almmuhuvvui maŋŋebárgga nuppi beaivvi. Das maŋŋá almmuhuvvo ođđa podkast juohke bearjadatiđit.  Podkasta gávdná Spotify ja Anchor, muhto maiddái YouTube. Lea maid vejolaš gávdnat liŋkka RDM neahttasiiddus gos sáhttá guldalit dan podkasta.

- Advertisement -
-Almmuhus-