-Almmuhus-
OĐĐASATRávve­jit ruovttus veddon olbmuid fitnat beaivve­mátkki lagas­birrasis

Rávve­jit ruovttus veddon olbmuid fitnat beaivve­mátkki lagas­birrasis

-

-

Trygg Trafikk rávve ruovttus veddon olbmuid fitnat beaivvemátkki lagasbirrasis, vuojašit biillain, sihkkelastit dahje vácci.  

Trygg Trafikk (dorvvolaš johtolat) evttoha olbmuid fitnat iežaset lagasbirrasis. 

Trygg Trafikk čállá ahte dál go eiseválddit leat gieldán olbmuid guođđimis iežaset gielddaid, de lea dattetge vejolaš guođđit dálu beaivái. Dat rávve ruovttus veddon olbmuid fitnat beaivvemátkki lagasbirrasis, vuojašit biillain, sihkkelastit dahje vácci.

– Dál lea earenoamáš dehálaš ahte mii eat gártta makkárge bártái. Dearvvašvuođaásahusain leat earenoamáš gáibideaddji áigodat ja fertejit garrasit vuoruhit. Danin lea dárbbašlaš ahte juohkehaš mis geahččala nu bures go vejolaš nu láhttet amas mii šaddat liigenoađđin gádjunvehkii ja buohcciviesuide, rávve Trygg Trafikk preassadieđáhusas.  

* Dehálamos muitit jus vuodjá biillain, lea doallat leaktorájá, vuodjit siivvu ja johtolatdilálašvuođa mielde. Doalahit gaskka dan biilii mii du ovddabealde vuodjá, geavahit biilaboahkána buohkaide ja sihkkarastit elliid ja guorpmi biillas. 

* Sákkas šelggona vai oidnot go váccát rastá geainnu, fuolat ahte eai boađe biillat go dan dagat. Muitte doallat gaskka earáide dán koronaáiggis. 

* Dehálamos lea čuovvut mielde gosa manat. Ále darvvit fuomášumi oalát giehtatelefuvdnii. 

 Buorit beassážat buohkaide!

-Almmuhus-