Olusat áigot luomustallat miehtá Norgga daid lagamus vahkuid. – Juohkehaš berrešii muitit sus lea geatnegasvuohta čorget iežas maŋis, amas ii vuhtto ahte lea fitnan guovllus, oaivvilda Norsk Friluftsliv.
NHO Reiseliv lea bálkáhan Ipsos guorahallat gos norgalaččat áigot luomustallat. Guorahallan čájeha ahte čieža logi norgalaččas áigot návddašit luomu Norggas. Iskosis boahtá ovdan ahte olusat áigot fitnat meahcis, juoga mii sáhttá vahágahttit luonddu.
– Hui buorre ahte olbmot áigot vásihit luonddu Norggas, muhto lea dehálaš muitit ahte du maŋis eai galgga báhcit luottat. Dalle lea buorre sihke earáide ja lundui, lohká Norsk Friluftsliv váldočálli Bente Lier preassadieđáhusas.
Guhtta rávvaga maid berret čuovvut
* Váldde fárrui guoros puse doabbariidda ja geavat dan. Darvvit dan vaikko lávkii gos lea olámuttus. Šaddogarat, dávttit ja eará borramušbázahusat dárbbašit guhkes áiggi eanaluvvat.
* Ale earánastte bálgá dahje čázi lahkosis. Váldde fárrui smávva goaivu vai beasat rokkastit rokki ja hivssetbáhpára válddát ruoktot.
* Čorge álo iežat maŋis. Guođe bisánanbáikki seamma čorgadin go lei. Sirdde ruovttoluotta buot maid leat sirdán vai earáid mielas lea seamma somá boahtit báikái.
* Ale bilit luonddu. Váldde fárrui ruovttus maid dárbbašat.
* Ale muosehuhtte elliid ja lottiid. Ale divtte mánáid viegahit daid, erenoamážit gihkan- ja lállenáiggi. Govčča verráhiid amas šibihat beasa olggos.
* Muitte dábálaš dolastallangildosa 15.04.-15.09. Lea dattetge lohpi dolastallat jus lea čielggas ahte guovlu ii sáhte guovllu buollát dahje jus lea olu arván ovddalgihtii. Olu gielddain lea dohkkehuvvon dollasadji gos sáhttá birra jagi dolastallat.
